ജയ്പൂര്: പഞ്ചനക്ഷത്ര ഹോട്ടല് മുറിയില് മയക്കുമരുന്നു നല്കിയ ശേഷം ബലാല്സംഗം ചെയ്യപ്പെട്ടതായി പ്രശസ്തമായ ബിഗ് ബോസ് റിയാലിറ്റി ഷോയുടെ അഞ്ചാം സീസണിലെ അംഗമായിരുന്ന പ്രമുഖ മോഡല്. നടിയും മോഡലുമായ പൂജ മിശ്രയാണ് ഇക്കാര്യത്തില് പരാതി നല്കിയത്. സംഭവത്തില് അന്വേഷണം ആരംഭിച്ചതായി പൊലീസ് അറിയിച്ചു.
രാജസ്ഥാനിലെ ഉദയ്പൂരിലുള്ള ഹോട്ടല് റാഡിസണ് ബ്ലൂ എന്ന ഹോട്ടലിലാണ് സംഭവം. ഉദയ്പൂരില് ഒംരു ഫോട്ടോ ഷൂട്ടിനു വന്നതായിരുന്നു നടി. ഒപ്പം ഫോട്ടോഗ്രാഫറും ഉണ്ടായിരുന്നു. ഫോട്ടോഗ്രാഫര് മടങ്ങിപ്പോയ ശേഷമാണ് യുവതി പരാതി നല്കിയത്. രണ്ട് പേര് തന്റെ മുറിയില് രാത്രിയില് അതിക്രമിച്ചു കടക്കുകയും ഉറങ്ങിക്കിടക്കുകയായിരുന്ന തന്നെ ലൈംഗികമായി പീഡിപ്പിക്കുകയും ചെയ്തതായി പരാതിയില് പറയുന്നു. മുറിയല്നിന്ന് വിലപിടിച്ച സാധനങ്ങള് കളവുപോയതായും അവര് പരാതിയില് പറഞ്ഞു.
സംഭവം അന്വേഷിക്കുന്നതായും യുവതിയുടെ പരാതിയില് അവ്യക്തത ഉണ്ടെന്നും ഉദയ്പൂര് ഐ.ജി അനന്ദ് ശ്രീവാസ്തവ അറിയിച്ചു. സംഭവം അന്വേഷിക്കുന്നതായും അദ്ദേഹം പറഞ്ഞു.
original by: http://www.asianetnews.tv/enews/article/26213_Bigg-Boss-participant--alleges--sexual-assault#sthash.BIJxnyjs.dpuf
.jpg)
0 comments:
Post a Comment