മുംബൈ: കുട്ടിയായിരിക്കുമ്പോഴും യൌവനത്തിന്റെ തുടക്കത്തിലും പിന്നീടും അനുഭവിക്കേണ്ടി വന്ന ലൈംഗിക പീഡനത്തിന്റെ ഞെട്ടിക്കുന്ന അനുഭവങ്ങള് വെളിപ്പെടുത്തി ഒരു നടി. സിനിമാ, നാടക നടി എന്ന നിലയില് ശ്രദ്ധേയയായ പൂര്ണ്ണ ജഗന്നാഥനാണ് ലോക ബാങ്കിന്റെ വീവോള്വ് എന്ന പദ്ധതിയുടെ ഭാഗമായ ഡോക്യുമെന്ററിയില് മനസ്സ് തുറന്നത്. ഡെല്ഹി ബെല്ലി എന്ന സിനിമയിലൂടെ ഏറെ ശ്രദ്ധിക്കപ്പെട്ട ഈ നടിയുടെ നിര്ഭയ എന്ന നാടകത്തിന് ആംനസ്റ്റി ഇന്റര്നാഷനലിന്റെ 2013ലെ അവാര്ഡ് ലഭിച്ചിരുന്നു. ഒരു നയതന്ത്രജ്ഞന്റെ മകളാണ് പൂര്ണ്ണ.
ബാല്യകാലം അസാധാരണമായിരുന്നു എന്നാണ് പൂര്ണ്ണ ഓര്ക്കുന്നത്. 'പിതാവ് മദ്യപാനത്തിന് അടിമയായിരുന്നു. അതുണ്ടാക്കിയ പ്രശ്നങ്ങള് ഏറെയുണ്ടായിരുന്നു. ഒമ്പതാം വയസ്സിലാണ് ആദ്യമായി ലൈംഗികമായി പീഡിപ്പിക്കപ്പെട്ടത്. കുടുംബസുഹൃത്തും അയല്വാസിയുമായ ഒരാളായിരുന്നു അത് ചെയ്തത്. ആ പ്രായത്തില് അയാളെന്റെ മേല് കൈവെച്ചു. ആരോടും പറയരുത് എന്നു പറഞ്ഞിട്ടായിരുന്നു ഇത്.
കുട്ടിക്കാലത്തും യൌവനത്തിലും പിന്നീട് പല തവണ ലൈംഗിക പീഡനത്തിന് ഇരയായി. അതൊക്കെ വയലന്റായിരുന്നു. എന്നാല്, അവയൊന്നും തുറന്നു പറയാനാവില്ല. പറയരുതാത്ത ചില കാര്യങ്ങള് അതിലുണ്ട്'-പൂര്ണ്ണ ഓര്ക്കുന്നു. പെണ്കുട്ടി എന്ന നിലയില് ദില്ലിയിലെ ബസ് യാത്രപോലെ ദുരിതകരമായ മറ്റൊരു അനുഭവമില്ലെന്നും ഈ നടി ഓര്ക്കുന്നു.
.jpg)
0 comments:
Post a Comment